五個特徵, 男人都想娶你回家!
我哋同客人做配對咨詢嘅時候，都會問客人嘅擇偶條件，發現有幾個共通點，係好多男仔都特別鍾意嘅！
大家睇吓自己有冇呢啲特質，你會唔會係男人最想娶你返屋企嘅類型呢？ 
1. 性格溫和
有唔少男仔同我哋呻過，前度通常係好大脾氣或成日要人遷就。其實男仔係好簡單直接嘅，最喜歡可以坦誠相處，唔好成日大家估來估去嘅關係。如果係太過唔平等嘅關係，或者經常要男仔去遷就，通常男仔都會避之則吉呢！
2. 有家庭觀念
要知道佢係唔係好老婆或者好老公，最緊要觀察佢係唔係孝順父母。所以如果女仔識得孝順父母，會照顧家人，唔會成日只係顧住出去吃喝玩樂，咁亦代表將來大家建立家庭，都會花時間以家庭為中心。所以男仔亦好喜歡有家庭觀念嘅女仔！
3. 太過事業型
如果女仔將所有時間都放響工作上，永遠有開工無收工，咁亦代表就算將來組織家庭，好大機會冇辦法照顧得妥當，或者好容易忽略另一半。如果女仔你份工係好繁忙嘅話，就要好好管理時間，千祈唔好因為工作而忽略另一半啊！
4. 未能過長輩一關
組織家庭代表係兩個家庭嘅事情，假如女方唔係太識同男方嘅父母相處，或者一向彼此冇乜好感，亦係通往結婚前嘅一個阻攔。唔少男士分享過，因為屋企唔鍾意女方，所以最後分開。女仔緊記要識得孝順自己父母之餘，亦要努力學習同長輩相處嘅技巧！
5. 太過依賴
雖則男仔唔喜歡太過事業型嘅女仔，但亦希望女仔唔好太過依賴，有一定程度嘅常識同埋生活技能。即使男方忙於工作，或者將來建立家庭，其實亦需要女仔獨立處理好多問題，假如一向不善處理家務或冇乜基本常識，亦未必係一個理想妻子嘅人選哦！
雖然，愛情呢樣野係無辦法衡量估計，但當面對實際結婚嘅問題時候，好多現實問題都會事先湧現。所以無論你係單身定係已經有另一半，都應該好好裝備自己，先可以成為好妻子人選啊！
