男女第一次見面，可能你哋已經分享過好多生活，工作趣事或者興趣等等，對對方已經有好多了解，可能係一個好開心嘅約會，但亦都可能係一個好悶嘅約會....但無論如何, 嗰餐飯最後應該男仔請定AA制？
若干年前，社會文化同風氣都偏向男仔請客，比較傳統. 但近數年，開始流行男同女AA制, 有少部份女仔亦開始覺得應該share返自己賬單。 所以, 女仔如每次約會, 都全程不付費用, 亦開始有點過時了....
當我哋做配對嘅時候，間中會問吓，男仔有冇請客食飯？
以我哋經驗得知，好多時女仔覺得如果男仔請客，好直接覺得呢位男士偏向有風度，二來，可能對自己有些好感。三來，會覺得男仔性格比較大方。綜合來講，一定會加分。
但, 某些男仔嘅想法就有啲唔同。如果男士會大方請客，亦比較欣賞女仔最少要禮貌講聲多謝. 但亦有少部份男士會覺得大家第一次見面，係唔需要請女仔食飯嘅...即使有好感，都未必請客。最嚴重者，可能曾經試過多次失敗嘅經驗，覺得自己請女仔食飯已經累積咗好多使費，但係最後結果都係失敗，覺得自己”請咗都唔代表追到”. 同時間，因為每次習慣唔請女方，所以亦每次都令女仔扣分，於是跌入無限次失敗嘅輪迴。
因此，我哋一向主張AB制，即是男方出比較大部份（例如晚餐費用）而女仔則負責較為便宜部份，例如甜品，飲嘢，睇戲，的士錢等等。 咁樣令男仔覺得，女仔亦願意為自己付出一點，唔會全程收埋銀包。另外亦可以令男仔保留面子，表現風度，達致雙贏局面。如果萬一約會使費太昂貴的話，女仔亦可以買返一份小禮物送俾對方，大家禮尚往來，令約會氣氛更加提升！ 約會費用, 某程度反映兩人的金錢價值觀, 如果兩方也看得金錢太緊或愛計算, 係無法建立長久健康關係架...
所以，一餐飯，除咗基本了解對方之外，約會技巧男士風度，女士嘅禮貌都係決定性嘅一環，要小心留意哦！
