當你剛認識一個新對象，諗爆頭唔知約佢去邊度好, 首先你要搞清楚佢係邊一類型嘅人，先可以快速提升約會嘅成功率!
因為每人做自己有興趣嘅嘢，都會特別開心，容易令氣氛提升！
以下係一啲感情升溫嘅好去處：
1. 浪漫地方- 可以考慮搵一D浪漫嘅地方，例如海灘、山頂或者公園等等。可以一齊欣賞風景，享受大自然嘅美好，睇吓日落，感覺特別浪漫同難忘。 例如山頂睇香港景色, 淺水灣, 赤柱等等.
2. 體驗新嘅事物- 如果你想同對方探索新嘅事物，可以選擇一啲體驗式嘅活動，例如手作工作坊，室內運動如保齡球, 踩 Roller, 室內攀石等等, 可以一齊迎接新嘅挑戰，令彼此之間嘅感情更加升溫。
3. 參加烹飪班 - 如果你同佢都係食物控，又或者有興趣學習新嘅烹飪技巧，可以參加烹飪班，一齊學習如何製作一個菜式，同時都可以一齊享受烹飪嘅樂趣。例如Towngas Cooking Centre。
4. 欣賞展覽 - 如果你哋都係文化人，可以考慮去藝術館欣賞展覽。既可以一齊欣賞藝術作品，又可互相交流自己對於藝術作品嘅看法。例子：藝術中心, 南豐紗廠，中環大館。
5. 戶外野餐- 如果你同對方都鍾意大自然，可以考慮去戶外野餐。可以一齊準備食物同埋野餐用具，更加多話題。而且望住風景食嘢，可以令你地放鬆心情，更加容易令氣氛升溫。例子：佐敦谷公園，觀塘海濱公園。
6. 離島一天遊 - 如果你同對方想遠離城市，不妨來一個小旅行，去離島一日遊。香港嘅離島有好多選擇，例如長洲、大嶼山、愉景灣等等。可以一齊去島上欣賞自然風光，影下靚相，踩下單車，又可以品嚐吓特色美食。經過一日嘅遊歷，令你更容易了解對方！
7. 海洋公園、迪士尼 - 如果你同對方係遊樂園愛好者，喜歡夢幻感覺或卡通人物等, 可以考慮去香港嘅海洋公園、迪士尼。裡面設置令你地彷如置身另一國度, 感覺放鬆又可以一齊體驗不同嘅遊樂設施，共同創造美好嘅回憶。
以上嘅建議都可以幫助你同對方更加瞭解彼此，促進感情升溫，一齊創造一個美好嘅回憶。令你哋嘅關係更快速進展同穩固！
