要知道男士一般都喜歡識打扮的女士，今次會同大家分享男仔約會嘅時候千祈唔好踩中既打扮地雷！
1. 誇張gel甲
有研究顯示，男仔大都喜歡女仔指甲以整潔同素色為主，千祈唔好整太過花巧甚至有立體裝飾喺指甲上面。男士眼中會覺得好誇張架! 所以我哋建議，同男仔約會，指甲以清潔整齊，如果真係想搽, 以淡粉紅或透明色最為合適。
2. 打扮太保守
着衫係非常重要嘅一環，女仔一定要突出自己身型優點，例如你擁有瘦削身型，什至修長小腿，咁就唔好浪費你嘅天賦！可以多着裙， 較為貼身嘅衣服，突顯女性個人線條，千祈唔好經常着得太臃腫，或着牛仔褲，臃腫長裙等等。千萬唔好以為着得少就代表性感暴露，其實適可而止嘅健康性感對男仔來講，係非常吸引，只要重點係突出線條同優點，咁就最完美啦！ 另外, 記住要"顯瘦"為大原因, 切忌穿得太厚太腫, 看上去偏胖也不適合!
3. 零化妝
女仔同男仔約會，係絕對需要化妝架！但係我哋好多時遇到單身嘅女客人，都忽略咗化妝呢方面，偏偏覺得化妝好麻煩，”做姊妹同去飲先會化” 係口頭禪，家中亦好多時只係得BB cream同一支唇膏。 除非極度天生麗質，唔使化妝都恍如化咗妝咁，否則，女生必須要鑽研化妝技巧，先可以更加增加自己嘅吸引力！女人響化妝呢方面千祈唔可以懶惰㗎！
4. 非戴有框眼鏡不可
十個男仔有八個都喜歡大眼睛女仔，我哋又明白有些女仔對戴隱形眼鏡好抗拒。但以我哋平時做單對單配對時，男仔見到有戴眼鏡同冇戴眼鏡嘅女仔的相片, 受歡迎程度真係可以爭好遠！ 所以如果你平時都係戴有框眼鏡居多，我哋建議約會時可以配合返戴眼鏡嘅妝容，依舊化眼妝, 或者”的起心肝”戴隱形眼鏡!
除咗一般隱形眼鏡，亦可以戴美瞳鏡，放大眼珠再加化眼妝, 絕對可以令你對眼大兩倍！電力十足，吸引力即時大增！
5. 不合個人形象嘅髮型
有某些髮型已經偏向過時，而且非常難handle, 例如看上去”濕滴滴”嘅超曲髮，超濃密齊陰，櫻桃小丸子短髮造型，或者睇落去似幾日冇洗頭嘅髮型等等.... 約會前不妨檢視自己的髮型和造型，睇吓有冇可以改善嘅地方，可以搵一些日式，韓式，或形象比較跟得上潮流的髮型屋，嘗試轉換髮型師，多聽朋友意見，一個女性化，斯文得來又不會太過時嘅髮型，亦可以幫到你吸引男士！
214 Dating
