WhatsApp溝通傳情 男士易中地雷
響呢個WhatsApp多過傾電話嘅年代，男女都會先文字傾偈慢慢培養感情，但係響我哋接觸嘅女客人中，亦有些對男士嘅WhatsApp溝通方法黑人問號。我哋嘗試舉出幾個例子，如果你中咗以下嘅重點，就要好好改善一下啦！
1. 每日講同一番說話
我哋聽得最多嘅例子，係女仔每日好似教鬧鐘咁，收到男方早上定時會傳來”早晨”訊息，中午”你食咗飯未?” 傍晚會問”放咗工未?” 但係除咗呢D準時過食藥的問題之外，又唔會再問其他嘢，往往令到女仔不明所以，好似好關心自己，但係又唔想同自己傾偈咁！所以呢啲例子都係失敗居多了...
2. 文字太多或者太少
WhatsApp溝通一般男仔主動，但係如果男仔永遠都長篇大論，非常多嘢表達，亦會令人覺得你非常長氣 。相反，如果回覆永遠只係一個emoji，或者經常只得係，唔係， OK！感覺又好似太冇誠意溝通，所以回覆文字以同對方差不多字數，或比對方多少少嘅，會較為適合！
3. 說話太多書面語
WhatsApp溝通亦以口語化會較適合，切忌好似小學生作文咁樣，全部用書面語，太過公式化，感覺會太見外唔自然, 難以將關係熱度升温!
4. 秒回
假設男士嘅工作比較穩定或者比較空閒嘅，亦盡量不要秒回對方訊息，否則對方會覺得你由朝到晚拎住個電話，唔理公事，除咗check電話之外好似冇其他嘢做，亦唔係一件好事呢！ 收到message, 其實可以隔半小時, 或幾小時回覆其實也算正常的!
5. 沒有借題發揮
假如女生主動同你分享左日常生活，男仔一定要把握機會，好好借題發揮再發展下其他話題。唔好錯過機會，切忌就咁一句哈哈，或者一個emoji等嘅冷淡回應啊！
